Work Text:
Tinta
Bako makahinayang na isurat ko giraray sa tula ang satuyang istorya.
Kang kato kita pa, maugma asin mamundong mga memorya kang satong pag ibahan,
Aram ko tanda mo pa, ta dahil permanenteng tinta ang nag tala.
Ugaring aram sa sadiri, satuyang istorya hanggang duman nasana,
Ta dahil dae ta paglingawan halabaon man, kulog na namatean,
sinurat gamit permanenteng tinta
dae na mabubura asin natuldukan na.
Kitang duwa umagid sa blankong papel bago nagkamidbidan.
Padiit diit nagsurat memorya gamit makukulay na tinta.
Tano ta pag maugma ang pag iriba, segundo, oras, aldaw
asin bulan dae namamalayan.
Dakulon na papel naging makoloron ang satuyang nasuratan.
Makalihis pirang bulan, paghuna wara na ining katapusan
Dae ta naantisipar, makukulay na tinta ay biglang naubasan.
Tano ta dae nagibo paagi, para ining mga tinta giraray umaragi.
Ta saimong isinalida sa satong pagsurat ay lapis,
Tanganing mga pag utik mo asin salang gibo madaling masalidahan.
Pinirit mong ayuson ugaring dae ko na kaya,
Pirang beses ka nagbalik,
dara bago asin makukulay na tinta.
Sakuyang napag isip, na eu baka sa poon man sana,
Pag satuyang idinuon giraray, baka sa ibang pahina magmarka,
Dae nasana.
Haloy haloy bago ako nakapoon giraray,
Daeng kaso kun sa bagong blankong papel magpoon giraray.